الاڭدا كيىز ۇيلەر. جۇرتشىلىق قۇرت پەن قىمىزدان, باۋىرساقتان, وزگە ۇلت وكىلدەرىنىڭ داستارحان مازىرىنەن ءدام تاتتى. شاشۋ دا مول. ەتنو-مادەني بىرلەستىكتەردىڭ دوستىق اۋەندەرىنە يسا بايزاقوۆ اتىنداعى وبلىستىق فيلارمونيانىڭ كونتسەرتتىك باعدارلاماسى قوسىلىپ, اسەم اۋەندەر شىرقادى. ورتالىق الاڭعا جينالعان جۇرتشىلىقتى وبلىس باسشىسى بولات باقاۋوۆ قۇتتىقتادى.
مەرەكەنى قىزىقتاعان ۇلكەندەر, ءان شىرقاپ, بي بيلەگەن جاستار, كىشكەنتايلار دا كوڭىلدى. جالپى, «قوعامدىق كەلىسىم» ورتالىعىنىڭ باسشىسى نۇرلان كۇلجاننىڭ ايتۋىنشا, دوستىق ۇيىندە 300 ادامعا ارنالعان "دوستىق" كونتسەرتتىك زالى بار. زال قازىرگى زامانعى اكۋستيكا, دىبىس جانە جارىق اپپاراتۋرالارىمەن جابدىقتالعان. ورتالىقتا ەتنومادەني بىرلەستىكتەر نەگىزىندە 27 ۆوكالدىق-حور جانە 17 بي ۇجىمدارى, كلۋبتار قىزمەت ەتۋدە. مەرەكە ورتالىق الاڭ مەن ەرتىس وزەنى جاعالاۋىندا, قالالىق مادەنيەت جانە دەمالىس ساياباعىندا دا جالعاستى.
جاعالاۋىنداعى «شاڭىراق» اتالاتىن الاڭدا قولدانبالى ونەر كورمەسى جانە وڭىرلىك سۋرەتشىلەردىڭ سۋرەت جارمەڭكەلەرى ءوتتى. كەلەسى ء«ان-شاشۋ» اتتا الاڭدا كونتسەرتتىك, «بالداۋرەن» الاڭىندا بالالاردىڭ ويىن-ساۋىق باعدارلامالارىنا ارنالدى. «شىمىرلار» الاڭىندا سپورتتىق سايىستار جارىسى, ۇلتتىق ويىندار كورسەتىلدى. مەرەكەلىك كونتسەرتتىك باعدارلاما, مەرەكەلىك ساۋدا, ۇلتتىق جانە سپورتتىق ويىندار, ويىن-ساۋىق الاڭدارىنىڭ بەرەكەلى ءداستۇرى-بىرلىك كۇنىنە ارنالدى. ەلىمىزدىڭ ەستاردا جۇلدىزدارى وتان, تۋىستىق, دوستىق تاقىرىبىندا ءان شىرقادى.
فاريدا بىقاي,
«ەگەمەن قازاقستان»
پاۆلودار
سۋرەتتى تۇسىرگەن: ۆالەري بۋگاەۆ
